కర్ణాటకలోని బీదర్ జిల్లాలోని హుస్సేననగర్‌లో తాజాగా ఓ విషాద ఘటన జరిగింది. రెండేళ్ల బాలుడు రోడ్డుపై ఆడుకుంటుండగా, ఓ ఇన్నోవా కారు దూసుకొచ్చి బాలుడిని ఢీకొట్టింది. ఈ ఘటనలో బాలుడు అక్కడికక్కడే మృతి చెందాడు.

ప్రమాదం జరిగిన సమయంలో బాలుడి తల్లిదండ్రులు ఇతర పనులలో నిమగ్నమై ఉన్నారు. బాలుడు తనంతట తానుగా రోడ్డుపై ఆడుకుంటున్నాడు. ఆ సమయంలో ఇన్నోవా కారు వేగంగా దూసుకొచ్చి బాలుడిని ఢీకొట్టింది. బాలుడు కారు చక్రాల కింద నలిగి మృతి చెందాడు. ప్రమాదం జరిగిన వెంటనే పోలీసులు ఘటనా స్థలానికి చేరుకున్నారు. మృతదేహాన్ని పోస్టుమార్టం కోసం ఆసుపత్రికి తరలించారు. కేసు నమోదు చేసి దర్యాప్తు చేస్తున్నారు.

Also Read : తెలంగాణలో ఇంటర్ పరీక్షల తేదీలు ఖరారు

ఈ ఘటనపై స్థానికులు తీవ్ర ఆగ్రహం వ్యక్తం చేస్తున్నారు. తల్లిదండ్రులు పట్టించుకోకపోవడంతో బాలుడు ప్రాణాలు కోల్పోయాడని ఆరోపిస్తున్నారు.