బ్లెండర్స్ ప్రైడ్', 'ఇంపీరియల్ బ్లూ' విస్కీలను తయారు చేసి విక్రయిస్తున్న పెర్నోడ్ రికార్డ్ ఇండియా ప్రైవేట్ లిమిటెడ్, తన ట్రేడ్మార్క్ 'లండన్ ప్రైడ్' పేరుతో తన విస్కీని తయారు చేసి విక్రయిస్తున్న జేకే ఎంటర్ప్రైజెస్పై తాత్కాలిక నిషేధం విధించాలన్న పిటిషన్ను మధ్యప్రదేశ్ హైకోర్టు తోసిపుచ్చింది. ఈ తీర్పును సవాల్ చేస్తూ పెర్నోడ్ రికార్డ్ సుప్రీంకోర్టును ఆశ్రయించింది.
ఈ వివాదంపై శుక్రవారం సుప్రీంకోర్టులో విచారణ జరిగింది. విచారణ సందర్భంగా, పెర్నోడ్ రికార్డ్ సిబ్బంది విస్కీ బాటిళ్లను తీసుకువచ్చి, వాటిని సుప్రీంకోర్టు న్యాయమూర్తులకు చూపించారు.
Also Read : అమెరికాలోని కొలరాడో సుప్రీంకోర్టులో దుండగుడి కాల్పులు
"బ్లెండర్స్ ప్రైడ్', 'లండన్ ప్రైడ్' విస్కీ బాటిళ్ల రూపకల్పనలో చాలా పోలికలు ఉన్నాయి. ఈ రెండు బాటిళ్లూ ఒకే రంగు, ఒకే డిజైన్లో ఉన్నాయి. ఈ పోలికలు ట్రేడ్మార్క్ హక్కుల ఉల్లంఘనకు దారితీస్తాయి" అని పెర్నోడ్ రికార్డ్ తరపు న్యాయవాది ముకుల్ రోహత్గీ వాదించారు.
ఈ వాదనలను విన్న సుప్రీంకోర్టు న్యాయమూర్తులు, ఈ వివాదంపై మరింత విచారణ జరిపి తీర్పు ఇవ్వాలని నిర్ణయించారు. ఈ విచారణను ఫిబ్రవరి 2న వాయిదా వేశారు.